Maqal : RW. Cumar Oo Ku Baaqay Joojinta Dagaalka Qoriley.

0
1209

Cumar (1)

Ugu horeen waxa uu ka hadlay dagaal beeleedyo ka dhacay deegaanka Qorilley ee gobalka Sool, isaga oo sheegay in ka xukuumad ahaan ay aad uga xunyihiin dagaalladaasi dhacay.

Waxa uu ugu baaqay dhinacyada dagaallamay in nabadda ay qaataan, sidoo kalena waxgaradka ay kaalin ka qaataan sidii loo xallin lahaa dagaallada soo noqnoqday.

“Waxaan ugu baaqayaa dadka Soomaaliyeed ee kala gaartay dagaallada in nabadda lagu dadaallo, wax walba oo dhacay in ilaahay samir naga siiyo, inta hartayna la badbaadiyo, culimada, waxgaradkana ay kaalin ka geystaan sidii loo afjari lahaa dagaalladaasi, waxaan aad iyo aad uga xumahay wax walba oo dhacay” ayuu yiri Ra’iisul wasaare Cumar.

Dhinaca kale Ra’iisul wasaaraha ayaa soo hadal qaaday arrinta ku aadan wada tashiyada socda iyo Hiigsiga 2016-ka, waxaana uu hoosta ka xariiqay in 14-ka bisha soo socota magaalada Muqdisho lagu qaban doono wada tashiyo ku aadan sida ugu wanaagsan ee looga tallaabsan karo 2016-ka.

Ugu Dambeyn Ra’iisul wasaare Cumar ayaa sheegay in magaalada New York uu uga qeybgalayo shirka guud ee Qaramada Midoobay, islamarkaana halkaasi uu ka jeedin doono khudbad uu sheegay in arrimo muhiim ah kaga hadli doono.

HOOS KA DHEGEYSO

      War-Cowke-SBC-Muqdisho-Raisilwasaaraha