Sheekh Cali dheere oo shaaciyey Cida ay la damacsanaayeen Qaraxii Madaxtooyada

0
999

ShabaalCaliDheereUrurka Al Shabaab ayaa waxa ay faah-faahin ka bixiyeen bartilmaameedka qaraxii habeen hore maqribkii ka dhacay Afaafka hore ee Madaxtooyada Somaliya ee Magaalada Muqdisho.

Afhayeenka Guud ee Ururka Al Shabaab Sheekh Cali Dheere, ayaa sheegay weerarkaasi inay ku beegsadeen dhamaan xubnihii ka qaybgalay shirkii Madasha Wadatashiga Qaran ee looga hadlaayay Siyaasada dalka Somaliya.

Cali Dheere, ayaa wuxuu sheegay weerarka Ismiidaaminta ah uu fuliyay ruux ka tirsan Shabaab, islamarkaana ujeedkii loo qaaday weerarkaasi laga gaaray sida uu hadalka u dhigay.

“Hadafka waxa uu ahaa nimankaa Shirqoolka Umadda u dhigaayay ayuu ahaa Hadafka intaa isku duuban oo dhamaan ku shireysay Madaxtooyada ayuu ahaa Hadafka.” Ayuu yiri Sheekh Cali Dheere oo la hadlay Idaacada Al Furqaan.

Afhayeenka guud ee Ururka Al Shabaab Sheekh Cali Dheere, ayaa sheegay khasaaraha ka dhashay weerarkaasi inuu yahay in ka badan 30 ruux inay ku dileen dhaawacana uu intaasi ka badan yahay, sida uu yiri.

Cali Dheere ayaa ku faanay inaaney aheyn markii ugu horeysay oo Madaxtooyada Somaliya Qarax ay ka geystaan, isaga oo tusaale u soo qaatay inay ka dhex dagaalameen madaxtooyada Somaliya iyo Xarunta Xalane oo ah goobo amnigooda si weyn loo ilaaliyo.

Weerarkii Ismiidaaminta ee habeen hore Shabaab ay ku qaadeen Xarunta Madaxtooyada Magaalada Muqdisho, inkastoo uu aad u cuslaa, hadana khasaaraha ka dhashay qaraxaasi aad uma badneyn, marka loo eego baaxada Qaraxa, waxaana ku dhintay qaraxaasi 11 ruux, halka ay ku dhaawacmeen 20 ruux ka badan.