Xutiyiinta: Saddex guuto oo ciidamada Sacuudiga ayaan nolosha ku qabanay

0
492

Xutiyiinta mucaaradka ah ayaa sheegay inay nolosha ku qabteen tiro ciidamo Sacuudiga ah ka dib markii ay weerar xooggan ku qaadeen goob u dhow xadka ay labada dal wadaagaan.

Afhayeen u hadlay Xutiyiinta ayaa BBC-da u sheegay in 3 guuto oo ka tirsan ciidamada Sacduudiga ay is dhiibeen.

Waxa uu sheegay in kumanaan ciidan la qabtay qaarkalana la dilay, hase yeeshee saraakisha Sacudiga weli ma aysan xaqiijin sheegashada Xutiyiinta.

Xutiyiinta mucaaradka ah ayaa sheegay inay nolosha ku qabteen tiro ciidamo Sacuudiga ah ka dib markii ay weerar xooggan ku qaadeen goob u dhow xadka ay labada dal wadaagaan.

Afhayeen u hadlay Xutiyiinta ayaa BBC-da u sheegay in 3 guuto oo ka tirsan ciidamada Sacduudiga ay is dhiibeen.

Waxa uu sheegay in kumanaan ciidan la qabtay qaarkalana la dilay, hase yeeshee saraakisha Sacudiga weli ma aysan xaqiijin sheegashada Xutiyiinta.

Dhaqdhaqaaqaa fallaagada ah ee Iran gacan saarka la leh ayaa dagaal kula jira xukuumadda Yemen iyo isbahaysiga Sucuudigu hogaaminayo.

Yemen ayaa dagaal iyo khalalaase la daalaa dhaceysay Tan iyo markii 2015-kii Madaxweyne Cabdrabbuh Mansuur Haadi iyo xukuumaddisa lagu khasbay inay ka qaxaan magalada Sanca.

Sucuudigu ayaa wuxu taageerayaa Madaxweyne Haadi waxaana xulufo uu hormuud u yahay oo ka kooban dalalka gobolku dagaal kula jirtaa fallaagada.

Xulufadu ku dhawaad maalin kasta weerarro cirka ah ayey ku qaaddaa, Xuutiyiin-tuna had iyo goor waxay gantaalo ku ridaan gudaha Sucuudiga.

Sidoo kale waxa gobolka ka taagan xiisad ka dhalatay loolanka dhex yaal Sucuudiga iyo Iran.

Sucuudiga iyo Maraykanka labaduba waxay ku eedeeyeen Iran weerarro lagu qaaday laba markab oo kuwa saliidda qaada ah bililii Juun iyo Juulaay, hase yeeshee eedahaas Tehran way beenisay.

Bishii May ayaa afar markab oo kuwa saliida qaada ah oo laba ka mid ku maaxayeen calanka Sucuudiga waxa khasaare ka soo gaadhay miino badeed kaga qaraxday badda Imaraadka ee dhinaca Gacanka Cumaan.

Sucuudiga iyo la taliyihii waagaa ee arimaha nabadgelyada qaranka ee Madaxweyne Trump, John Bolton, ayaa labaduba ku eedeeyeen Tehran weeraradaas, hase ahaatee Iran ayaa ku tilmaantay eedahaaa “wax lagu qoslo.”

BBC