Dagaal qaraxyo ku bilowday oo ka dhacay Qoryooley & Wararkii ugu dambeeyey

0
185

Wararka laga helayo degmada Qoryooleey ee gobolka Sh/hoose ayaa sheegaya, in halkaasi uu saaka ka qarxay dagaal xooggan oo u dhaxeeya ciidamada dowladda & Al-Shabaab.

Goob joogayaal ayaa sheegay in Al-Shabaab ay weerar culus oo qaraxyo ku bilowday ku qaadeen degmada Qoryooley, kaddibna uu bilowday dagaal culus oo u dhaxeeya Ciidanka dowladda & Al-Shabaab.

Wararka qaar ayaa sheegaya in dagaalkan uu yimid ka dib howlagalo xalay ka dhacay degaano hoostaga Degmada Qoryooley oo Ciidamada Dowladda Kula wareegen deegano cusub.

Guddoomiyaha gobolka Sh/hoose Ibraahin Aadan Najax ayaa sheegay iney iska caabiyeen weerarkaas, lana jebiyey kooxihii weerarka soo qaaday.

Ibraahin Aadan Najax ayaa sheegay ayaa sheegay Al-Shabaab ay isku dayeen iney qarxiyaan Buundada Qoryooley ee dul marta webiga shabelle.

“Waxaan u hambalyeynayaa ciidamadeena degmada qoryooley kuwaasoo difaacay shacabka degmada kana hortagay qarax baabuur la rabay in lagu burburiyo buundada degmada, Waxaa Al-shabaab looga dilay dagaalka maleeshiyaad badan waxaana looga furtay hub uu ka mid yahay qoriga BKM-ka waxaana hadda la hayaa 3 meyd oo ay ka carareen Al-shabaab” ayuu yiri gudoomiye Najax.

Al-shabaab kama hadlin weerarkan lamana oga illaa hadda khasaaraha ka dhashay dagaalkan oo ahaa kii ugu cuslaa ee ka dhaca degmadaas.

Allbanaadir