Al-Shabaab oo goob fagaare ah ku toogatay lix nin oo dembiyo culus lagu eedeeyey

0
95

Fagaare ku yaalla magaalada Bu’aale ee xarunta gobolka Jubbada dhexe ayaa waxaa ka dhacay xukun dil ah oo al-shabaab ay ku fulisay lix nin oo lagu eedeeyey basaasnimo.

Qaadiga Maxkamadda Al-shabaab ee Jubbooyinka ayaa goob fagaare ah ka akhriyay magacyada 6 nin iyo dambiyada lagu eedeeyay ee sababay in xukunka dilka ah lagu fuliyo.

Waxaa qaadigu sheegay in ragga la dilay ay ay u kala shaqeynayeen sirdoonka Mareykanka, Kenya iyo dowladda Soomaaliya.

Al-shabaab waxay sheegeen in raggan ay dhamaantood qirteen iney basaasiin ahaayeen, loona soo diray iney shirqoolaan saraakiisha iyo xoogaga al-shabaab.

Al-shabaab ayaa xukuno dil ah marar badan ku fulisay rag badan oo qaarkood ka tirsanaa kooxda ka dib markii lagu eedeeyey iney dalal shisheeye iyo DF basaasiin u ahaayeen.