Milatariga Soomaaliya oo shaaciyay in ay isku soo dhibeen xubno katirsan Al Shabaab

0
153

Dagaalyahano katirsan kooxda Al Shabaab ayaa isku soo dhiibay ciidanka milatariga Soomaaliya gaar ahaan qeybta 21-aad sida lagu xaqiijiyay war kasoo baxay taliska ciidankaasi.

General C/casiis C/laahi Qooje Taliyaha qeybta 21-aad ee Ciidanka Xoogga Dalka ayaa sheegay in sadex Dagaalame oo katirsanaa Al shabaab isku soo dhiibeen ciidanka milatariga ee fariisinka ku leh Deegaanka Bacaadweyne oo hoostaga Degmada Hobyo .

Taliyaha ayaa sheegay in ragaan kasoo baxay Al Shabaab iskuna soo diibay dhankooda ay go’aankan qaateen kadib markii ay arkeen Xasuuqa iyo dhibaatada Nabadiidka ku hayaan shacabka Soomaaliyeed sida uu tilmaamay.

Milatariga Soomaaliya ayaa maalmihii lasoo dhaafay dhaq dhaqaaqyo ciidan ka waday gobolada Mudug iyo Galgaduud gaar ahaan deegaano ku dhaw dhaw degmooyin ay Al Shabaab ka maamulaan goboladaasi.

Allbanaadir