Somaliland oo bilowday fulinta qodob ka mid ah heshiisyadii ay la gashay DF

0
73

Maxkamad ku taalla Somaliland  ayaa maanta amartay in la sii daayo fanaaniin muddo ku xirnaa magaalada Hargeysa.

Fanaaniintan oo kala ah Barwaaqo Qalanjo iyo Xamda Qaali ayaa muddo labo bilood ah ku xirnaa xabsi ku yaalla magaalada Hargeysa kadib markii maxkamaddu ay ku wayday wax dambi ah sida ay sheegtay.

Xariga Fanaaniintan ayaa yimid ka dib safar ay ku yimaadeen magaalada Muqdisho, halkaasoo ay ku qabteen bandhig faneedyo iyo heeso.

Labada fanaan ayaa sii dayntooda la hadlay warbaahinta, iyagoo u mahad celiyay maxkamadda oo amartay in la siiyo xoriyaddooda iyo dhammaan cid kasta oo gacan ka gaysatay.

Marar badan ayaa sidan oo kale waxaa magaalada Hargaysa loogu xiray, dad magac ku dhex leh bulshada Somaliland oo ka soo jeeda isla degaanada maamulkaas kadib markii ay safaro kala duwan ku yimaadeen magaalada Muqdisho.

Dhinaca kale sii daynta fanaaniintan ayaa waxa ay qayb ka tahay heshiisyadii dowlada Somalia iyo Somaliland ay ku wada galeen shirkii ka dhacay magaalada Jabuuti, kaasoo qodob ka mid ahaa uu dhigayey ahaa inaan la carqaladeyn, lana siyaasadeyn isku socodka arrimaha bulshada sida Waxbarashada, ciyaaraha, fanka, Caafimaadka iwm.

Allbanaadir