In ka badan 75 milion oo ka codeeyey doorashada Mareykanka

0
103

Iyadoo ay ka harsan tahay wax ka yar hal todobaad ayaa in ka badan 75 milion oo qof ay codadkooda ka dhiibteen doorashada madaxnimo ee Mareyaknaka oo lasoo gabagabeyn doono 3-da bisha November ee soo socota.

Inta badan gobollada Mareykanka ayaa dadka u ogol inay codadkooda sii dhiibtaan ka hor maalinta weyn ee doorashada.

Tirada 75-ka milion ee codadkooda dhiibtay ayaa ka badan nus ka mid ah dadkii codeeyey guud ahaan tdoorashadii 2016-kii ee Mareykanka, oo ahaa 138.8 milion oo qof.

Quburrada doorashooyinka ayaa sheegay in usoo bixitaanka doorashada ee dadka codadkooda dhiibanaya sanadkan ay noqon doonto tii ugu badneyd ee tan iyo 1908 dii, markaas oo 65% dadka Mareykanka ee xilligaasi isu diiwaan galiyay doorashada ay codkooda dhiibteen.

Madaxaweyne Trump ayaa xalay ka ololeeyay gobolka Arizona oo kamid ah gobolada la saadaalinayo inay go’aamin doonaan doorashada, halka ninka la tartamaya ee xisbiga Dimoqraadiga Joe Biden uu isagana codkiisa ka dhiibtay gobolka uu kasoo jeedo Delaware.

VOA