R/W Rooble oo maanta bilaabaya la kulanka Musharaxiinta iyo Ujeedka uu ka leeyahay

0
108

Ra’isul Wasaaraha Xukuumada federaalka Soomaaliya Maxamed Xuseen Rooble ayaa lagu wadaa in maanta kulan la qaato Mid kamid ah Musharaxiinta u taagan xilka Madaxweynaha Soomaaliya si weyna uga soo horjeeda hanaanka Xukuumada wax ku wado.

Ilo ku dhaw dhaw Ra’isul Wasaare Rooble ayaa laga soo xigtay in maanta kulan gaar ah la yeelayo Ra’isul Wasaare Rooble Hogaamiyaha Xisbiga Wadajir sidoo kale ah Musharax Madaxweyne Cabdiraxmaan Cabdishakuur Warsame.

Kulankan ayaa sida aan xogta ku helnay waxaa dalbaday Ra’isul Wasaaraha Soomaaliya oo doonaya in kulamo la yeesho Musharaxiinta mucaaradka si uu ugu qanciyo doorashada la filayo in dalka ka dhacdo xalna ugu raadiyo khilaafka taagan.

Ra’isul Wasaaraha Soomaaliya ayaa dhawaan cadaadis iyo canaan kala kulmay Wakiilada Beesha Caalamka oo ku eedeeyay in uusan diyaar u aheyn la kulanka iyo qancinta Musharaxiinta mucaaradka ah ee kasoo horjeeda hanaanka doorashada loo wado.

Midowga Musharaxiinta u taagan xilka Madaxweynaha Soomaaliya ayaan la ogeyn sida ay uga falcelin doonaan dadaalada uu Ra’isul Wasaare Rooble ku doonayo in Musharaxiinta ula kulmo kuna qanciyo in ka qeyb galka doorashada aqbalaan.

Allbanaadir