Faahfahin dheeri ah oo ka soo baxaysa Qaraxii Nairobi

December 6, 2012 Markacadeey

Faahfaahin dheeri ah ayaa ka so baxay qarax xalay ka dhacay magaalada Nairobi, xarunta dalka Kenya.

Wararka ayaa sheegaya in Bamka uu ahaa nooca gacanta laga tuuro, iyadoo warar kala duwan ay ka soo baxayaan qasaaraha ka dhashay qaraxaasi.

Qaraxa ayaa waxa uu ka dhacay Xaafada Soomaalida u badan tahay ee Islii gaar ahaan meel u dhow xarun ciidamada Cirka Dalka Kenya ay leeyihiin .

Wararka dheeraadka ah ee saaka la helaayo ayaa sheegaya in qasaaraha qaraxii xalay uu gaarayo ilaa 8 qof oo dhaawac ah oo dhamaantood la sheegey iney yihiin dad rayid ah

Lama oga cida rasmiga ah ee ka dambeesa qaraxaasi xalay gilgiley Magaalada Nairobi balse Dowladda Dalka Kenya ayaa mar walba sheegta in qaraxyada ka dhaca dalka Kenya ay ka dambeeyaan Ururka Alshabaab.

HOME