|
Subaxnimadii maanta May 28 ayaa Shirka mar kale ka furmey Hoteelka Dedeman oo ku
yaala magaalada Istanbul ee dalka Turkiga.
Shika maanta waxaa khudbad dheer oo qeymo leh ka jeediyey ra'iisul wasaarihii
hore ee Somaaliya mudane Cabdirasaaq Xaaji Xuseen. Mudane Cabdirasaaq qodobada
uu ka hadley waxaa ka mid ahaa:
- Burburkii ka dhacey somaaliya iyo dagaaladii qabiiliga ahaa.
- In la xoojiyo midnimada umadda Somaaliyeed.
- In qabyaalada leyska daayo, oo aan lagu keeni karin dowlad ka dhisanta
Somaaliya, oo markaas tusaale u qaatey xirbigii SYL oo hal ku dhegooda uu ahaa
midnimo ayna la dagaalami jireen qabyaalad.
- In odey dhaqmeedyada ay qaataan doorkii lagu yiqiiney iskana ilaaliyaan in loo
isticmaalo in lagu fushado dano gaar ah.
- In odey dhaqmeedyada ay soo ceshadaan sharaftooda iyo karaamadooda.
- In Dowlad federaali ah aan laga fulin karin dalka Soomaaliya.
- Wadamada Deriska nala ah Itoobiya iyo Kenya aaney ka talineynin maslaxada
Qaranka Soomaliyeed.
Waxaa sidoo kale shirka maanta ka hadley General Axmed Jaamac oo sii falanqeeyey
doorka odey dhaqmeedyada ay ka qaadan karaan soo celinta nabadda Somaaliya.
Sidoo kale waxaa shirka ka hadley Prof. Maxamed Mukhtaar iyo Sheekh Bashiir oo
ah Gudoomiyaha dalada culumaa'udiinka Somaaliyeed.
Waxaa sidoo kale hadal qeymo badan ka jeedisey Dr. Maryan Qaasim oo horey u
ahaan jirtey wasiirada haweynka ee dowladii Farmaajo.
Shirka waxaa isugu yimid udayaal dhaqmeedyada Somaaliyeed, ururada bulshada oo
meelo badan ka kala yimid.
Waxaa shirka marti geliyey dowladda Turkiga oo waayahan dambe si weyn ugu howlan
sidii ay wax ugu qaban laheyd dhibaatada muddada dheer soo jirey ee Somaaliya.
Wuxuuna socon doonaa maalmaha 27- 30 May 2012.
 
HOME
|
