Labo wadaad Kirishtaan ah oo lagu dilay magaalada Mombasa iyo xaalad kacsanaan ka jirta

0
898

MombasaXaalad kacsanaan ah ayaa ka jirta magaalada xeebta ku taal ee Mombasa, halkaasoo todobaadkan horaantiisa lagu dilay labo wadaad oo Kirishtaan ah.

Dilkan ayaa ka dambeeyay labo todobaad kadib markii wadaad Muslima ahaa oo caan ka ahaa Mombasa iyo labo kale ay dileen dabley aan heybtooda la garan.

Wararka ayaa sheegaya in labada wadaad heysta diinta Kirishtaanka ayaa lagu dilay weeraro kala duwan, iyadoo keentay in xiisad ay ka aloosanto dilalkaas.

Charles Matole oo ahaa hogaamiyaha Kaniisad ku taal Mombasa ayaa meydkiisa laga helay axadii goor subax aheyd oo uu aqrisanayay kitaabkiisa Bible-ka, isagoo isu diyaarinayay khudbadiisa Axada ee Kaniisada uu ka jeedin lahaa.

Lama oga kooxaha dilka ka dambeeyay, waxaana booliska magaalada Mombasa ay wadaan howl galo, iyadoo wadooyinka lagu arkay ciidamo.

Waxaa laga cabsi qabaa inay dhacaan rabshado u dhaxeeya Muslimiinta iyo Kirishtaanka oo ku aadan weeraradan kala duwan ee ka dhacay magaalada Mombasa.

Jowhar