Maamulka Ahlu Sunna Waljamaaca ee gobollada dhexe ee Soomaaliya ayaa u soo jeediyay maleeshiyada Al-Shabaab in ay hubka dhigaan oo ay wadahallo nabadeed galaan.
Guddoomiyaha golaha fulinta ee maamulka Ahlu Sunna Waljamaaca Sheekh Cabdirisaaq Cali Mire, oo la hadlay Bar-kulan ayaa sheegay in ay maleeshiyada u soo jeedinayaan in ay cafis waydiistaan shacabka Soomaaliyeed, isla markaana ay wadahadallo galaan.
Wuxuu tilmaamay inay Al-Shabaab ku guul-darreysatay dagaalladii ay dalka ka wadday.
Wadahadallada ay soo jeediyeen ayuu sheegay inaysan qeyb ka ahayn ajaanibta ka barbar dagaallanta maleeshiyada Al-Shabaab.
Bar-kulan
