Ciidanka Danab oo howlgal qorsheysan ku dilay Xasan Sufiyaan Qoorey & ilaaladiisa

0
310

Kadib howlgal qorsheysan oo ay ciidanka sida gaarka ah u tababaran ee Kumaandoska xoogga dalka ka fuliyeen gobolka Jubada dhexe ayay ku dileen taliyihii Al-Shabaab u qaabilsanaa ciidanka loo yaqaano Jabhadaha.

Howlgalka ayaa ciidanka Kumaandoska Danab waxay ka fuliyeen degaanka Carabow oo qiyaastii 50-km u jira degmada Bu’aale ee gobolka Jubada dhexe.

Saraakiisha ciidanka Kumaandoska Xoogga dalka ayaa sarkaalka la qaarajiyey  magaciisa ku sheegay (Xasan Sufiyaan Qoorey).

Sidoo kale saraakiisha ayaa intaas ku daray in ninkan lala dilay 6 ka tirsanaa ilaaladiisa oo iska caabin sameeyey.

Ciidanka Xoogga dalka ayaa sheegay iney kordhiyeen howlgalada qorsheysan ee ay ku beegsanayaan Al-shabaab, ayna sii wadi doonaan inta ay ka ciribtirayaan wax ay ugu yeereen argagaxisada.

Allbanaadir